haloo... hmm.. Belun sira, fiar katak imi di'ak hotu iha ida-idak nia fatin, ba ida ne'e hakarak konta ba ita boot sira kona ba Jaco nia furak
Nune'e lakoi koalia barak tan, mai ita hare hamutuk
1. Mai ita hare'e hamutuk Illeu Jaco nian ba dahuluk
1. Mai ita hare'e hamutuk Illeu Jaco nian ba dahuluk
Jaco mos klasifika nu’udar fatin
turismu ida ne’ebe mais famozu iha nasaun timor-Leste. Agora dadaun nia sai ona
fatin turismu ne’ebe koñesidu ona iha mundu, tamba nia, sempre vijita husi
turista nasional no mos husi estranjeiru. Alem de ne’e nia mos sai figura
identidade turismu iha nasaun timor-Leste.
Area ne’e situa iha ponta Leste
Timor-Leste, Rejiaun Posto-Administrativo Tutuala, Municipio Lautem ho ninia
area ne’ebe fresku, ho paijazen ne’ebe furak haleu ho natureza matak, ho animal
fuik ne’ebe la’o no semo, no haleu ho ninia rai-henek ne’ebe luan no mutin mo’os,
halo nia sai lakan nabilan no furak ba ema sira ne’ebe vizita hodi haree.
Iha dalan ba jaco, ita sei
hamaluk ho anin-fresku iha dalan, hare foho Paicau iha Lorosa’e, belihun boot
Ira-lalaru no rai-tetuk Mehara nian iha ne’ebé manu sira semo ba mai ho barullu
no iha ne’ebe amimal domestiku no animal fuik halibur malu hodi aproveita du’ut
matak no we-matan Ira-lalaru nian iha Posto-Administrativo Tutuala.
